ازاي ك E-Commerce Business تختار 3pl المناسب ليك أو بمعنى أصح شركة الشحن اللي هتساعدك في توصيل منتجك
في بعض مؤشرات الأداء اللي لازم تبص عليها وتتابعها في شركة الشحن
١. نسبة التسليم أو Success Rate
يعني لو انت مثلا شحناتك 100 ووصل منهم 60 شحنة يبقى نسبة التسليم 60 % .. ايه طريقة الحساب؟
( عدد شحناتك المرسلة * عدد الشحنات اللي وصلت ÷100).. وطبعا الموضوع ده مرتبط بحاجات كتير زي مثلا هندلتك للعملاء و طبيعة منتجك و فريق المتابعة عندك و سرعة شركة الشحن وكهذا يعني الموضوع لازم له تحليل ومتابعة.
٢. وقت تنفيذ الطلب أو Order Time-to-Fill
يعني الوقت اللي بستغرقه شركة الشحن من ساعة ما بتعمل pickup من عندك وتستلم الشحنات لحد ما تتوصل لايد المندوب ويهندل عليها.. مثال لو شركة الشحن متفقة معاك على اني شحنات إسكندرية بتوصل تاني يوم.. وانت بتبع شحناتك لقيتها إنها لسه في المخزن موصلتش للفروع أو موصلتش لمراحلة هندلة المندوب على الشحنات لوصلها للعميل.
الموضوع ده برضه مرتبط بأكتر من سبب زي مثلا انك تتأخر في تحضير شغلك فبتالي بيحصل تأخير في كل المراحل التانية أو تكاسل وإهمال من شركة الشحن عشان كده لازم تتابع الموضوع ده بدقة كبيرة
٣. تكلفة الشحنة الواحدة أو Cost Per Unit Shipped
لازم تحسب تكاليفك كاملة على عدد الشحنات وتبدأ تقارن ما بين شركات الشحن وبعضها وتختار الأنسب ليك.
٤. التغطية الجغرافية والسرعة
يعني ايه الكلام ده يعني لازم تحلل كل محافظة لوحدها وتشوف هل شركة الشحن تغطيها بشكل مناسب ولا لا. معدل وقت توصيل الشحنة قد ايه.. مع تحليلك للبيانات هتلاقي مثلا ان شركة v بتوصل أسرع وبتغطي إسكندرية كلها أسرع من شركة x ولكن شركة x بتوصل الصعيد أحسن وأسرع وطبعا هنا الحل الامثل انك توزع شغلك عليهم هم الإتنين عشان تحقق أعلى كفاءة ورضا للعملاء عندك.
٥. الشحنات التالفة أو Damaged Shipments
لازم تتابع مرتجعات كويس وتشوف راجعة شكلها ايه متكسرة ومتبهدلة ولا سليمة و طبعا لازم تكون سايب نسبة قبول إهلاك عادي متفقة عليها.. ولازم تاخد بالك انك ممكن تكون أنت السبب في التلف ده زي انك بتسلم شحناتك مش متغلفة كويسة وكهذا
٦. أداء المناديب أو courier performance
هنا أخطر نقطة للأسف لازم يكون عندك فريق يتابع كل التسليمات وياخد الفيدباك بتاع العملاء والشكاوى ويبلغ شركة الشحن على طول عشان تاخد إجراء مع المندوب.. أسأل العميل هل المندوب طلب تبس؟.. هل اتكلم بشكل غير مناسب؟
طيب هل ليه أخطر نقطة المندوب كفيل أنه يدمر كل مجهود الناس اللي اشتغلت قبله على الشحنة، و يتسبب في عدم التسليم بسبب اسلوب أو إهمال وكهذا…
بس أنت ممكن تكون السبب.. عارف ازاي أنك تتطوع في أي حاجة مخالفة هو عاوزها عشان توصل شحناتك زي مثلا انك تديله تبس من ورا شركة الشحن! .. طب ايه المشكلة دي مكافأة مني للمندوب.. مافيش مشكلة لو حالة المكأفاة مش أنه بيستغلك أو بيضغط عليك.
دي بعض مؤشرات النجاح وطبعا في حاجات تانية بس دول الأساس وفي الأخر مافيش شركة شحن مهما كان حجمها معندهاش مشاكل أو قصور في بعض النواحي.. شطارتك أنت أنك تجمع ما بين أكتر من 3pl لتحقيق هدفك وهو الربح و رضا العملاء.
